E ardhmja e Suso është gjithnjë e më shumë një dilemë e madhe dhe ka peshë për ndërtimin e të ardhmes së klubit kuqezi. “Gazzetta dello Sport” ka shkruar sot se e ardhmja e spanjollit te Milan është një “fjalëkryq” i vërtetë.
Faktikisht synimi i Milan është ta mbajë në skuadër, por ekziston një klauzolë prej 38 milionë eurosh që mund të prishë kontratën në çdo moment dhe kësisoj klubet që duan Suso e dinë çmimin, një çmim krejtësisht i logjikshëm për aftësitë e lojtarit dhe kësisoj nuk kanë nevojë as të flasin me Milan.
Për këtë arsye, drejtuesit e Milan kanë lënë një takim me menaxherin e futbollistit, Alessandro Lucci, menjëherë pas fundit të kampionatit, duke u bazuar te fakti se kanë një marrëdhënie të shkëlqyer me të dhe me lojtarin.
Në shtatorin e kaluar, Suso rinovoi me Milan deri në vitin 2022 dhe sivjet ka qenë gjithmonë titullar, edhe me Montella edhe me Gattuso, por siç thamë, është klauzola 38 milionë euro që tremb klubin me seli në rrugën “Aldo Rossi”.
