Florentin Pogba, vëllai i madh i yllit të Manchester United, Paul Pogba, është sulmuar nga shokët e skuadrës së tij, Genclerbirligi, pasi la fushën e lojës duke e lënë skuadrën e tij me një lojtar më pak në terren.
Sipas medieve të përditshme në Turqi, Pogba u sulmua nga disa shokë të skuadrës, pas daljes nga fusha në fund të ndeshjes me Antalyasporin, të cilën ndeshje skuadra e tij e humbi 1:0.
Sipas këtyre medieve është dashur ndërhyrja e ekipeve të sigurimit për të mënjanuar më të keqen nga kjo zënkë.
Mbrojtësi la fushën në minutën e 88’ kur skuadra e tij po humbiste 0-1, pas një fjalosje me bashkëlojtarin e tij.
Gencerbirligi tashmë i kishte të kryera të tri zëvendësimet, dhe dalja e Pogbas acaroi bashkëlojtarët e tij.
27 vjeçari Pogba, ka nënshkruar kontratë prej 18 muajve me skuadrën nga Ankara në afatin kalimtar të janarit, duke u transferuar nga francezët e St Etiene.
Bizarre moment where Florentin Pogba abruptly leaves the pitch after an incident and then gets into an altercation with his fellow teammates.. 😬 pic.twitter.com/a4TYkdr7J5
— 90min (@90min_Football) May 7, 2018
