Tjetër “perlë” e Zlatan Ibrahimovicit në MLS në radhët e Los Angeles Galaxy, por këtë radhë jo për t’u vlerësuar. Sulmuesi suedez goditi me shuplakë nga pas kundërshtarin, futbollist të Montreal Impact, pasi ky i fundit e shkeli në këmbë, ndoshta pa dashje, në lojën pa top.
Reagimi i 36-vjeçarit ishte i menjëhershëm me një veprim antisportiv, duke e detyruar arbitrin kryesor që t’i tregonte kartonin e kuq pa u mbyllur pjesa e parë.
