“Salah? E adhuroj, është një lojtar i jashtëzakonshëm me cilësi hyjnore”. Një kompliment gjithmonë pranohet, por kur vjen nga vetë “Fenomeni” Ronaldo (me një të kaluar, madje fituese, në Madrid), duhet të jetë një ndjesi e pashpjegueshme.
E mbi të gjitha: “I ngjason Mesit”, ka thënë braziliani, i cili më pas ka dhënë edhe mendimin e tij për rezultatin final: “Fiton 3- 2 Reali, – ka parashikuar ishsulmuesi për radion “El partidazo de Cope”. – Jam shumë optimist, kam pasur disa dyshime gjatë vitit, të lindura mbi të gjitha nga uljengritjet e Realit, por me kalimin e kohës skuadra është bashkuar dhe është pranë një arritjeje historike”
