Protestat pas ndeshjes Roma-Liverpul ndaj arbitrit slloven, Damir Skomina, kanë qenë të ashpra nga drejtues, lojtarë apo edhe tifozë italianë, për vendimet e tij, që mund të çonin në një tjetër rjedhë ndeshjen.
Ka qenë vetë arbitri slloven, që ka riparë disa herë rastet e diskutueshme, dhe nuk e ka fshehur keqardhjen për gabimet në vendime, raportojnë njerëz nga ambientet e brendshme të stadiumit “Olimpico”.
Arbitri i ka kuptuar gabimet e tij, duke i shfaqur edhe nëpërmjet shprehisë së fytyrës, vetëm pasi i ka parë të përsëritura në ekran pas ndeshjes, pasi gjatë saj, nuk ka pasur shumë protesta nga lojtarët.
