Inter vazhdon të rritë vlerën e markës së tij në tregun aziatik, falë aksionerëve të rinj dhe lëvizjeve të zgjuara komerciale.
Në raportin e fundit ekonomik, skuadra zikaltër zbuloi shifrat e disa kontratave të majme të firmosura në muajt e fundit, dhe këtu ka përmirësime të ndjeshme. Këtë vit, formacioni milanez ka arritur një akord me kompaninë kineze Fullshare aktive për turizmin dhe edukimin. Nga kjo, Inter do të marrë 10.5 milionë Euro.
Nëse këtyre i shtohen edhe marrëveshjet me një agjenci udhëtimesh dhe iMedia, kompaninë e marketingut sportiv, të ardhurat shkojnë në 37 milionë.
Ndërkohë në total që nga nisja e këtij sezoni futbollistik, zikaltërit kanë arkëtuar 156 milionë Euro, por kjo, ende pa ardhur ceku i majmë nga kina, për marketimin e produkteve.