Juventus ka arritur akordin me Alvaro Moratën, lajmi konfirmohet nga “Rai Sport”, ku thuhet se gjithçka është gati dhe se pritet thjesht mbyllja e marrëveshjes me Chelsean për huazimin e sulmuesit te “Zonja e Vjetër” për dy vite me të drejtë blerje.
Sigurisht që ky është një lajm i mirë për të gjithë tifozët të cilët i dinë mirë vlerat e spanjollit që ka luajtur dhe më parë në Itali. Rikthimi i tij në Torino pritet të jetë i bujshëm për vetë lëvizjet që ka bërë kohët e fundit sulmuesi. Nga Reali te Juventusit, nga Juventusi rikthim sërish te Reali, më pas kaloi te Chelesa dhe së fundmi rikthehet te kampionët e Italisë.
