Enrico Preziosi, presidenti i Genoa, ka konfirmuar interesimin e Juventus për Mattia Perin. “Eshtë e vërtetë që në takimin e fundit të Ligës në Romë, Marotta kërkoi një takim dhe më tha se donte të më fliste për Mattia Perin, por jam ende në pritje të telefonatës së tij. Nuk e di nëse po e marrin për portier të dytë, por është aq i aftë sa do të ishte mëkat të qëndronte në stol.
Pronari i klubit kuqeblu shpjegoi se Juventus nuk është skuadra e vetme që kërkon shërbimet e italianit: “Juventus duhet të nxitohet nëse dëshiron ta marrë, sepse që në ditën që u mësua se Reina do të shkonte te Milan, Napoli ka shfaqur dëshirën për të marrë Perin dhe shumë shpejt mund të nisin bisedimet. Për ne është njëlloj…”