Pas 17 viteve legjenda e portës Gianluigi Buffon largohet nga Juventus. Dhe mesa duket klubi italian e ka gjetur pasardhësin e tij, ai luan te Barcelona.
Sipas Don Balon, Marc-Andre ter Stegen thuhet të jetë objektivi kryesor i Juve-s. Kampionët e Italisë thuhet të jenë gati të paguajnë 80 milionë euro për shërbimet e gjermanit.
Me këtë shumë ai do të thyente rekordin duke u bërë portieri më i shtrenjtë i historisë. Deri tani, shuma më e madhe e paguar për një portier është 53 milionë euro.
Sipas medias spanjolle, ter Tegen kërkon të luajë për shumë vite te Barcelona, por opsioni për të qenë pasardhësi i Buffon, e ka tunduar gjermanin.
“Ai është zhvilluar shumë si portier në vitin e fundit,” ishin fjalët e Buffon për portierin e Barcelona-s. Ai ka një kontratë e cila përfundon në 2022.
Pasardhësit e tjerë potencialë për portën e Juve-s janë Perin i Genoa dhe Donnarumma i Milan.