Armando Broja po kalon një nga momentet më fantastike në karrierën e tij duke ndihmuar Sauthemptonin me paraqitjet dhe golat e tij.
Së fundmi sulmuesi i Kombëtares shqiptare ka postuar një foto në “Story”-n e profilit të tij në rrjetin social “Instagram” duke uruar nënën e tij për ditëlindje:
“Gëzuar ditëlindjen Mbretëresha ime! Të dua shumë mama. Të falënderoj për gjithçka që ke bërë për mua.
Pas çdo mashkulli qëndron një femër dhe kjo je ti.”, shkroi 20-vjeçari.
Armando Broja gjatë këtij sezoni me fanellën e Sauthemptonit në Premier Ligën angleze është aktivizuar në total në 18 ndeshje nga ku e ka tundur rrjetën 5 herë.
