Juventus është shumë pranë trofeut të 7-të radhazi në Serinë A në kampionatin Italian, një rekord që është vetëm i tyre, pasi askush nuk ka mundur të bëjë më mirë se ata.
Pas 35 javëve të luajtura “Zonja e Vjetër” ka golavarazhin më të mirë të kampionatit me 81 gola të shënuar dhe vetëm 22 të pësuar. Por ajo që është më interesante janë golat e pasuar nga jashtë zonës së 16 metrave.
Të besuarit e Massimiliano Allegrit kanë pësuar vetëm 3 gola (rekord në Serinë A këtë sezon) jashtë zonës së rrezikut, çka do të thotë se kundërshtarët e kanë shumë të vështirë që të provojnë portën nga distance të caktuara.
Në rast fitoreje në mbrëmjen e sotme kundër Bologna-s, Juventus do të jetë vetëm një hap larg titullit të Serisë A për sezonin 2017-2018-të.
