Skuadra e Kmazës pak ditë më para ka larguar nga detyra trajnerin Julian Ahmataj. Duket se nuk mjaftoi vetëm shpëtimi nga rënia një kategori më poshtë, por palët midis tyre nuk kanë arritur të gjenë një marrëveshje për të vazhduar më tej në sezonin e ardhshëm.
Mësohet se drejtuesit do të sjellin në skuadër një trajner të ri, i cili është boshnjak, por emri ende nuk është zbuluar. Tekniku do të mbërrijë në Tiranë ditën e mërkurë dhe do të shoh nga afër ambientet e klubit, por në të njëjtën kohë do të ulet në tavolinë për të biseduar nga afër detajet për një kontratë të mundshme. Nëse arrihet një marrëveshje, atëherë do të bëhet edhe prezantimi i tij para mediave.
