Ka filluar zyrtarisht ofensiva e Roma-s për Justin Kluivert. Drejtuesit e klubit italian janë takuar me Mino Raiola në Monako për të folur rreth detajeve ekonomike të lojtarit.
Një takim pozitiv që ishte i rëndësishëm për marrëveshjen ekonomike për të ardhmen e afërt.
Roma dhe Kluivert janë thuajse dakord për gjithçka, tani është Ajax ai që duhet të bindet.
Megjithëse kontrata e tij skadon më 2019, klubi holandez nuk do të bëjë asnjë ulje nga çmimi fillestar 15-20 milionë euro. Me marrëveshjen me lojtarin të kryer, Roma do të takohet me Ajax javën tjetër.
Nga aty do të fillojnë negociatat e vërteta për sulmuesin premtues.
Hapi i parë është bërë, tani duhet të bindet Ajax për të hequr dorë nga thesari i tij.