Barcelona vazhdon të ruajë rekordin e pathyeshmërisë, teksa ka mposhtur 4-1 Villarreal në “Camp Nou” dhe do ta mbyllë kampionatin e La Liga pa asnjë humbje nëse merr një rezultat pozitiv edhe në javën e fundit në Levante.
Faktikisht katalanasit nuk humbasin prej 43 ndeshjesh, duke llogaritur edhe kampionatin e kaluar, si askush tjetër në historinë e futbollit spanjoll.
Kur u mbushën dhjetë minuta lojë, Philippe Coutinho shënoi golin e parë për Barcelonën me portën e boshatisur. Ai ka shënuar katër gola dhe ka dhënë pesë asiste në 10 ndeshjet e fundit me Barçën duke konfirmuar ambientimin e tij me ekipin që e bleu nga Liverpool në janar për rreth 150 milionë euro.
Pesë minuta më vonë, një tjetër brazilian, Paulinho, shënoi golin e dytë për Barcelonën.
Ende pa u mbyllur pjesa e parë, Lionel Messi shënoi golin e tretë për Barçën. Ky ishte goli i 34-të në këtë kampionat për argjentinasin që me shumë gjasa do të fitojë “këpucën e artë”, pasi i dyti në renditjen e golashënuesve është Cristiano Ronaldo me 25 gola.
Villarreal e gjeti golin e nderit kur u mbush një orë lojë me Sansone, gjithsesi pa prishur festën e kampionëve të Spanjës që janë vetëm 90 minuta larg rekordit me një kampionat të tërë pa humbje. Tre minuta para fundit, katalanasit kompletuan “poker” me golin e Ousmane Dembele.
https://www.dailymotion.com/video/x6j6wnf
At @StadiumCampnou watching Lionel #Messi in action. The best player who's ever played the game. 3-0 and counting… #football #Barca #FCBarcelona #Barcelona #Goal #Numero10 pic.twitter.com/Qv8hmwcfN2
— Wout Dispa (@woutdispa) May 9, 2018
https://twitter.com/PeakDembouz/status/994285223054635009
