Matias Vecino duket se do të jetë i sakrifikuari i Beppe Marotta në merkaton e verës. Për mesfushorin e Interit ka interes nga shumë skuadra dhe merkato mund të rezervojë oferta të mira në drejtim të tij.
Mediet në Angli kanë bërë me dije se Tottenham e ka ndjekur prej kohësh uruguaianin dhe është e interesuar për ta marrë si përforcim për sezonin e ardhshëm. Edhe “Sportmediaset” në Itali ka bërë me dije se Inter do jetë gati ta shesë 27-vjeçarin për 30 milionë euro.
Vecino u bë protagonist në sfidën e parë mes Inter-it dhe Tottenham-it për fazën e grupeve të Champions League, ku ai shënoi golin e përmbysjes për skuadrën zikaltër.