Eros Grezda është rikthyer në stërvitje. Mesfushori shqiptar ka dhënë vetë lajmin e gëzueshëm përmes një postimi në rrjetet sociale teksa shfaqet i lumtur dhe shkruan: “I lumtur që rikthehem pas një muaji”. Lojtari i Osijek u dëmtua në ndeshjen me Lokomotivën e Zagrebit teksa u detyrua të dilte nga fusha në minutën e 35-të të takimit.
Kujtojmë që ajo sfidë përfundoi me shifrat 1-1, ndërsa dëmtimi i shqiptarit shqetësoi jo pak stafin teknik të kroatëve. Tashmë 23-vjeçari është gati për të dhënë kontributin e tij për pjesën e mbetur të sezonit.