Sulmuesi i Skënderbeut, Ali Sowe duket se nuk do të jetë i gatshëm për sfidën e sotme që skuadra korçare do luajë ndaj Vllaznisë, s i pasojë e një dëmtimi që ka pësuar në takimin e fundit që skuadra korçare luajti ndaj Luftëtarit.
Sowe ka kryer një rezonacë, përgjigja e së cilës do të jetë vendimtare lidhur me aktivizimin apo jo të gambianit. Edhe pse shpresohet shumë që ai të jetë i gatshëm për ekipin, ka fjalë që thonë se dëmtimi është i rëndë dhe se sulmuesi nuk do mund të luajë më, madje as në finalen e Kupës që Skënderbeu do luajë ndaj Laçit në datën 27 maj.
Gjithsesi, për të patur një ide të qartë, do të duhet të pritet përgjigja e rezonancës për të dhënë një informacion më të detajuar, ndërkohë që deri atëherë duhet të presim dhe shpresojmë që të mos bëhet fjalë për diçka që mund të penalizojë “yllin” e korçarëve pikërisht në këtë moment.
