Në takimet e tjera të programuara për tu luajtur në javën e fundit të Superiores mendohet më shumë për statistikë. Në “Zeqir Ymeri” Kukësi do të presë Flamurtarin në një sfidë që nuk ndryshon asgjë në objektivat e të dyja skuadrave, madje më shumë interes se rezultati ka lamtumira e Sindrit Gurit, që, përveç duartroktijeve të publikut, mund të tentojë të shënojë disa gola për “Këpucën e Artë”, me Sowe të Skënderbeut që kryeson me një gol më shumë (21 me 20).
Përballja Laçi – Teuta nuk ka asnjë vlerë për “Djemtë e Detit”, që e kanë siguruar mbijetesën, ndërsa për krubinasit fitorja është detyrim për të siguruar Europa League-n nëpërmjet kampionatit (nëse konfirmohet pezullimi i Skënderbeut nga UEFA, si Partizani ashtu edhe Laçi do të luajnë në Europë). Nëse fiton Partizani me Kamzën, atëherë edhe Laçit i duhet 3 pikët për të mos e humbur vendin e katërt.
Në “Roza Haxhiu” të Lushnjës Lufëtari do të kërkojhë ta mbyllë me fitore një sezon të mrekullueshëm, që po mbyllet me arritjen e një objektivi historik, pjesëmarrjen për herë të parë në histori në kompeticionet europiane.