Simboli i Milanit dhe i Italisë, Paolo Maldini, ka zbuluar synimet e tij për të ardhmen në një intervistë për kanalin sportiv “Sky Sport”.
Mbrojtësi legjendar i “Djallit” dhe kombëtares së kaltër ende nuk ka marrë përsipër asnjë rol drejtues, por shpreh dëshirën për t’i qëndruar besnik Milanos dhe atdheut të tij.
“E ardhmja? Jam i përqendruar te Milani ose te Italia. Të dy kanë qenë klubet që kam luajtur dhe nuk e shoh veten në asnjë ekip tjetër. A kam refuzuar oferta në të kaluarën? Jo aq shumë, por siç thashë kam qenë shumë i kufizuar në objektiva saqë nuk kam patur shumë mundësi për të zgjedhur. Babai im ka luajtur Milanin, kështu dhe unë, ndërsa tani fëmijët e mi janë në akademinë e “Kuqezinjve”.
Italia? Të shohim. Costacurta është emëruar, por problemi është se nuk e di se sa kohë të qëndrojë derisa ekipi kombëtar po pëson ndryshime”, shprehet 5 herë fituesi i Ligës së Kampioneve.
