Në Londër, sot pasdite janë kryer peshimet e boksierëve në prag të duelit të madh të peshës së rëndë mes britanikut Anthony Joshua dhe ukrainasit Oleksandr Usyk, sfidë e vlefshme për titujt kampionë bote (IBF, WBA e WBO).
Joshua peshonte 109kg dhe ishte 9 kg më i rëndë se Usyk (100kg), çka tregon se britaniku synon të përdorë fuqinë e grushteve të tij për të hedhur KO rivalin. Një sfidë që pritet me shumë interes, pasi janë dy boksierë kampionë bote.