Në MLS pagat bëhen publike dhe nëse i bën një kontroll listës me pagesat që bëjnë klubet për futbollistë të ndryshëm, lojtari më i paguar në elitën e futbollit në Shtetet e Bashkuara të Amerikës është Sebastian Giovinco. Sulmuesi italian i Toronto, së bashku me bonuset paguhet rreth 7.1 milionë dollarë, duke lënë pas vetes Michael Bradley, shokun e tij të skuadrës. Në podium është edhe meksikani Carlos Vela, që merr goxha bonuse.
Pagën bazë më të lartë e Bastian Schweinsteiger, mesfushori gjerman i Chicago Fire, por nuk ka të përfshirë asnjë bonus, sigurisht ndikuar edhe nga mosha. Në listën e 10 lojtarëve më të paguar janë edhe emra si Giovani dos Santos dhe David Villa, që në të shkuarën kanë qenë pjesë e Barcelonës. Në këtë listë është edhe një portier, Tim Hoëard, shok skuadre me Shkëlzen Gashi te Colorado Rapids. Sulmuesi shqiptar gjithashtu ka një pagë të mirë, madje më të lartë se Zlatan Ibrahimovic. Gashi renditet i 20-ti, pesë pozicione më lart se suedezi, i cili përfiton vetëm 1.5 milionë dollarë në sezon, pa asnjë bonus.
| Renditja | Lojtari | Klubi | Paga me bonuse |
| 1 | Sebastian Giovinco | Toronto FC | $7,115,555.67 |
| 2 | Michael Bradley | Toronto FC | $6,500,000.00 |
| 3 | Carlos Vela | LAFC | $6,292,500.00 |
| 4 | Bastian Schweinsteiger | Chicago Fire | $6,100,000.08 |
| 5 | Giovani dos Santos | LA Galaxy | $6,000,000.00 |
| 6 | David Villa | New York City FC | $5,610,000.00 |
| 7 | Jozy Altidore | Toronto FC | $5,000,000.00 |
| 8 | Ignacio Piatti | Montreal Impact | $4,713,333.37 |
| 9 | Tim Howard | Colorado Rapids | $2,475,000.00 |
| 10 | Diego Valeri | Portland Timbers | $2,380,000.00 |
| 20 | Shkëlzen Gashi | Colorado Rapids | $1,668,750.00 |
| 25 | Zlatan Ibrahimovic | LA Galaxy | $1,500,000.00 |
