Për Valentino Rossi-n gara në Mugello ka qenë përherë speciale. Duke mbërritur pas podiumit të Le Mans, “Doktori” ka besimin maksimal në vigjilje të kësaj garë: “Ka qenë fantastike arritja e podiumit në Le Mans para garës së Mugello-s. Në përgjithësi është e bukur që të jesh në podium para çdo gare, sepse dhjetë ditë para garës së ardhshme nuk jam i irrituar”.
Në vigjilje të garës së ditës së diel “Doktori” qëndron optimist: “Të shkosh në Mugello i relaksuar është më e mira. Ndihem optimist para garës në saj të testit që kemi zhvilluar disa javë më parë, por nuk kemi qenë të shpejtë siç kemi dëshiruar. Gjatë kësaj fundjave duhet të japim më tepër. Duhet të përmirësojmë motorin dhe të bëjmë më të mirën tonën për të gjetur maksimumin”
