Jose Mourinho, trajneri i Manchester United, së fundmi është ndalur të flasë jo më për skuadrën e tij, por për Botërorin që nis më 14 qershor. ‘Special 1’ mendon se një nga skuadrat të cilat mund të triumfojë në Rusi është edhe vendi i tij, Portugalia, pasi në organikë ka Cristiano Ronaldo-n.
“Portugalia ka një skuadër interesante. Pa Cristiano-n do të ishte e pamundur. Por me të, asgjë nuk është e pamundur” ka thënë Mourinho.
Të njëjtat fjalë Jose thotë edhe për Argjentinën, me ndryshimin e vetëm se ‘albiçelestët’ kanë Lionel Messi-n.
“Unë besoj se kombëtarja argjentinase pa Messi-n nuk do të ishte kandidate për ta fituar botërorin. Por me të, ata janë një nga favoritet”-ka shtuar më tej portugezi.
Nga ana tjetër vlerëson edhe Brazilin me Spanjën.
“Më pëlqen struktura bazë e Brazilit, taktika dhe mentaliteti i tyre. Ka një përzierje ndërmjet talentit natyral të Brazilit, me një qasje serioze fizike dhe taktike.
