Trajneri i Kombëtares shqiptare, Christian Panuçi ka paditur në Gjykatën e Tiranës ish-presidentin Bujar Nishani. Eshtë zbardhur sot vendimi i Gjykatës ku thuhet se i pandehuri Bujar Nishani ka ndërruar adresë. Gjykata e Tiranës, i kërkon gjendjes civile në këtë shkresë që të gjejë adresën e ish-presidentit për t’i dërguar fletëthirrjen
Padia është depozituar në gjykatën civile të Tiranës nga avokatët e Panuçit, ku trajneri kërkon dëmshpërblim prej 100 mijë eurosh për dëmin që sipas tij i është shkaktuar nga Nishani dhe përgënjeshtrim të deklaratës. Kjo Gjykatë, i ka dërguar një fletëthirrje ish-presidentit Bujar Nishani për t’u paraqitur në seancë, por Nishani është pa adresë. Në vendimin e Gjykatës ku thuhet se i pandehuri Bujar Nishani ka ndërruar adresë. Gjykata e Tiranës, i kërkon gjendjes civile në këtë shkresë që të gjejë adresën e ish-presidentit për t’i dërguar fletëthirrjen.
Kërkesa e Gjykatës së Tiranës për Zyrën e Gjendjes Civile
Padia e Panuçit për Nishanin u bë publike më 5 shtator. Më herët, pas humbjes së Shqipërisë në ndeshjen Kosovë-Shqipëri, ish-presidenti Bujar Nishani thoshte në Facebook, se Panuçi ishte një ‘sharlatan’. Pas postimit, Panuçi menjëherë reagoi duke thënë se do e padiste Nishanin.
