Nga Japonia duken të sigurt se Andres Iniesta do e vazhdojë atje karrierën e tij futbollistike. Në fakt, është ish-presidenti i federatës japoneze të futbollit, Saburo Kauabuçi, që ka deklaruar se skuadra e re e Iniestës do të jetë Visel Kobe.
Atje kanë edhe një datë të caktuar, ku thonë se Iniesta do të debutojë më 26 gusht tek skuadra japoneze. Në fakt, ky ekip ka si pronar Hiroshi Mikitani, njëkohësisht pronar edhe i kompanisë Rakuten, e cila është sponsor tek Barcelona. Në Japoni, të gjithë duken të lumtur për faktin se një gjeni i futbollit do të luajë në kampionatin e tyre.
