Ishte menduar që në këtë ndeshje e gjithë vëmendja të ishte te Fernando Torres, i cili i dha fund karrierës si futbollist. Për këtë arsye, klubi organizoi një takim të fundit për “El Nino-n”, që ai të mund të përshëndetej siç duhet.
Rivalë të bardhekuqve ishin një skuadër e përzgjedhur me futbollistë nigerianë. Takimi u fitua 3-2 nga djemtë e Simeone-s, por ai që e vodhi gjithë vëmendjen ishte futbollisti nigerian Usman Mohammed. Aktualisht ai luan në Norvegji me skuadrën e Sarpsborg 08. Gjatë një aksioni për gol ai bëri 5 finde duke çoroditur mbrojtësin e ekipit spanjoll e pastaj e futi topin në rrjetë. Videoja e mëposhtme tregon për numrin e lojtarit dhe për tronditjen që pësoi mbrojtësi rival.