Pas largimit të Kristal Abazajt dhe Sindrit Gurit në kampionatin belg, pritet që edhe Ardit Hila të largohet nga Superliga shqiptare. Mesfushori nga Elbasani ka depozituar një kërkesë pranë FSHF-së, ku kërkon që mos t’i ronovohet më kontrata me Teutën.
Emri i ekipit të ri të elbasanasit nuk është zbuluar ende, por që pritet të mësohet shumë shpejt, menjëherë sapo merkatoja të ketë nisur.
Vendimin për largimin, Hila ia ka konfirmuar dhe klubit që sigurisht është pajtuar me kërkesën e lojtarit për ta lënë të lirë për sezonin e ardhshëm, duke qenë se atij tashmë i përfundon kontrata dhe është vetë mesfushori që vendos për të ardhmen e tij.
