Ndoshta ndeshja individuale e finales së Champions League është ajo ndërmjet Marcelo dhe Mohamed Salah, që mbrojtësi i Real Madridit ndihet i sigurt për të fituar. I njohur si lojtari më i mirë i sezonit në Premier League, Salah, është në formë të shkëlqyer dhe nuk do të ishte i pari, që do të përfitonte nga mendimi i supozuar i mbrojtësit të tij. “Unë e di saktësisht se çfarë duhet të bëj dhe e di çfarë duhet të bëj për të ndihmuar ekipin tim”, deklaroi Marcelo. “Liverpool-i është një ekip i mrekullueshëm dhe ka pasur një sezon të shkëlqyer. Ne duhet të mendojmë për të gjithë ekipin, jo vetëm për një ose dy lojtarë, kështu fitohen ndeshjet. Është një mundësi e mrekullueshme për të luajtur në finale dhe ne jemi këtu, ashtu siç janë Liverpool-i, të cilët gjithashtu e meritojnë atë”.
Jurgen Klopp ka shkuar aq larg sa të thoshte se Marcelo ‘nuk mbron’ pak ditë përpara finales, por brazilianit nuk i bën përshtypje deklarata e tij. “Nuk e kam dëgjuar atë të thotë këtë gjë, tani po e dëgjoj këtë”, vuri në dukje ai. “Secili ka të drejtën e mendimit. Unë jam i kënaqur me punën time, siç janë edhe shokët e mi, trajneri dhe ata brenda ekipit, unë e bëj punën time me modesti dhe përulësi dhe nuk kam asgjë për t’i provuar askujt”, tha braziliani. “Motivi ynë është të zgjohemi, të stërvitemi, të luajmë futboll të mirë dhe të fitojmë çdo garë që ne luajmë. Ne kemi fituar shumë, por kjo i përket të kaluarës dhe ne duam të luajmë futboll të mirë dhe të fitojmë më shumë trofe”, vazhdoi Marcelo.
“Të dyja skuadrat janë të ngjashme, ata sulmojnë shumë. Ne jemi të ndërgjegjshëm për atë që duhet të bëjmë, por në fund do të duhet të shohim, se çfarë do të ndodhë. Do të jetë një shfaqje e madhe për njerëzit që janë të pasionuar pas futbollit”. Sipas Marcelo nuk ka vend për vetëkënaqësi edhe pse e kanë fituar dy herë radhazi trofeun: “Gjërat që kemi arritur janë pjesë e të së kaluarës. Ne gjithmonë duhet të shikojmë për të ardhmen, ne duhet të vazhdojmë të luftojmë, këto janë gjërat që ju bëjnë të keni sukses. Mendimi i tij nuk do të ndryshojë asgjë për Zidane. Një ditë ju jeni më i keqi, të nesërmen jeni më i miri”.
