Edhe pse për Teutën ishte një ndeshje shumë e rëndësishme për sa i përket luftës për mbijetesë, numri i tifozëve vendës në shkallët e stadiumit ishte i pakët.
Madje, tifozët e Kukësit ishin më të shumtë se ata durrsakë. Dy tribunat kryesore, A dhe B, ishin të mbushura, ndërsa në tribunat e tjera kishte vetëm pak tifozë të grupimit “Djemtë e Detit”.
Teuta shënon me penallti golin e barazimit, por tifozët miq befasojnë duke bërtitur më shumë se vendësit: “Forca Kukësi!”. Ndërsa, në një moment, gjyqtari i katërt, Enea Jorgji, i tërheq vëmendje trajnerit mik Pakult dhe shpërthejnë kuksianët: “O Jorgji, çfarë ke me atë mo legen!”. Në fund kanë festuar tifozët vendës.