Te Partizani të gjithë janë me sytë nga CAS lidhur me vendimin që do të merret për pezullimin e Skënderbeut nga kompeticionet europiane. Ndërkohë që korçarët presin përgjigjen përfundimtare, por kjo përgjigje po mban në ankth edhe të kuqtë, të cilët do mund të sigurojnë një vend në Europë në rast se “ujqërit” ndëshkohen.
Kjo nuk është çështja e vetme të “Demat”, pasi disa nga lojtarët e ekipit të cilët së fundmi iu përfundon kontrata kanë mbetur në mes të “katër rrugëve” dhe bëhet fjalë për disa prej lojtarëve më të vjetër të ekipit.
Lojtarë si idriz Batha, Arbnor Fejzullahu, Renaldo Kalari, Blerim Kotobelli, të cilët tashmë mund të quhen të lirë për pak ditë nuk dinë ende se çfarë do bëjnë pasi drejtuesit nuk kanë marrë ende një vendim lidhur me rinovimet, çështja e cila duhet të ishte menduar se si do të proçedohej.
