Një kapitull i ri në çështjen e lidhur me fluturimin fatal që çoi në zhdukjen e argjentinasit Emiliano Sala. Duket se klubi i Premier League, Cardiff ka gjetur një klauzolë burokratike në kontratë për të mos paguar transferimin e sulmuesit që duhej të ishte në shumën 17 milionë euro.
Klubi i Premier League po studion opsionet për të shfuqizuar javën e ardhshme detyrimet kontraktore, nëse do të konfirmohet se piloti që transportonte futbollistin nuk zotëronte e licencave të ligjshme.
Sipas raportimeve të “Telegraph”, në ditët pasuese të varrimit të futbollistit, klubi uellsian do të vlerësojë opsionet e mundshme juridike për të evituar pagesën e shifrës në favor të Nantes për transferimin e sulmuesit argjentinas tashmë të ndarë nga jeta pas rrëzimit të avionit në të cilin udhëtonte.
Gjithçka do të varet nga hetimet mbi pilotin David Ibbotson, që pilotonte avionin e zhdukur e më pas të gjetur në kanalin e Manica. Nëse aludimet mbi pilotin, sipas të cilave ai nuk zotëronte licencën e fluturimit, do të konfirmohen, atëherë Cardiff do të synojë përmes rrugëve ligjore të mos paguajë shumën për blerjen e futbollistit nga Nantes.
