Lacio do të përballet me skuadrën e Interit në ditën e sotme, atje ku të vendoset skuadra e radhës italiane që do të shkojë në “Champions League”.
Nëse zikaltërit do të fitojnë në këtë takim, atëherë do të jenë ata që do të kalojnë këtë kompeticion. Ndërsa dy rezultatet e tjera, do të favorizonin ekipin e Inzagit. Nëse flasim në bazë të statistikave, Strakosha është futbollisti që vendos rekord në epokën “Lotito”.
Portieri shqiptar ka zhvilluar më shumë paraqitje se të gjithë portierët e tjerë për Lacion, në kohën e Lotitos. Kjo për shkak të paraqitjeve të zhvilluara në një nivel të lartë gjatë këtij sezoni nga Strakosha.