Andres Iniesta pasi i dha fund aventurës me Barcelonën është prezantuar sot te skuadra e tij e re Vissel Kobe. Japonezët e kanë pritur me shumë entuziazëm spanjollin pasi 8 mijë veta ishin të pranishëm në stadium.
Me transferimin në J.League, mesfushori ‘maestro’ bëhet kështu futbollisti më i madh që ka luajtur ndonjëherë në kampionatin japonez.
Te Vissel Kobe, 33-vjeçari do të mbajë veshur fanellën me numër 8 dhe do të ketë shok skuadre gjermanin Lukas Podolski. Pas prezantimit përpara tifozëve Iniesta do të largohet nga Japonia për t’iu bashkuar kombëtares spanjolle me të cilën është i grumbulluar në Botërorin Rusi 2018.
Andres Iniesta in a Vissel Kobe shirt for the first time 🇯🇵 pic.twitter.com/k0kyiUqSSy
— B/R Football (@brfootball) May 26, 2018