Fundjava në Barcelonë nuk ka nisur në mënyrën më të mirë të mundshme për makinën Ferrari, që pas problemeve që pati dje makina e ish-kampionit të botës në Formula 1, Kimi Raikkonen, ka vendosur sot që ta ndryshojë atë. Në provat e lira, “kokëkuqja” e finlandezit pati disa probleme, që nuk e lejuan të xhirojë në pistë rregullisht.
Për pasojë, drejtuesit e makinës italiane vendosën sot që të ndryshojnë motorin termik dhe turbokompresorin MGU-H, para fillimit të provave zyrtare. Duke qenë se ky është ndryshimi i parë që bëhet në motor për makinën Ferrari të Kimi Raikkonen këtë sezon, finlandezi nuk do të pësojë asnjë penalizim në startin e garës së ditës së diel.