Mohamed Salah është shprehur se ndihet i gëzuar për faktin se e krahasojnë me Lionel Messin dhe Cristiano Ronaldon. Sulmuesi 25-vjeçar ka zhvilluar një sezon të jashtëzakonshëm me skuadrën e Jurgen Klopp.
Salah ka thyer disa rekorde sa i përket golave brenda një sezoni në Premierligë, duke i realizuar 32 rrjeta në 36 ndeshje. “Ndihem shumë mirë për rekordet”, ka thënë Salah për BT Sport.
Ai ka shtuar: “Të gjithë flasin për Ronaldon dhe Messin sepse ata e kanë mbajtur këtë nivel për 13 apo 15 vite, prandaj jam krenar që e shoh se më krahasojnë me ta”.