Ka mjaftuar vetëm një “cicërimë” në rrjetet sociale e presidentit De Laurentiis, të mërkurën pasdite, për të mbyllur përfundimisht tri vitet e fundit të Sarrit në Napoli.
Pasi mori vesh zyrtarizimin e Ancelottit në krye të të kaltërve, Sarri është shprehur i zhgënjyer me vendimin e presidentit.
“Nuk e meritoja të ndahesha në këtë mënyrë me Napolin. Kam bërë punë të mirë në 3 vite. Largimi në këtë mënyrë i hedh poshtë të gjitha”, u shpreh Maurizio Sarri.
Tashmë ish-trajneri i Napolit është pa ekip, dhe mediat e çojnë të Chelsea në Londër.
Një tjetër destinacion i mundshëm është edhe Zeniti, që aktualisht është pa trajner, pasi Mancini mori drejtimin e kombëtares së Italisë.
