Gian Piero Gasperini ka ndërhyrë në një intervistë për “Radio Rai”, menjëherë pas ndeshjes së barazuar 1-1 kundër Lazio. Sipas trajnerit të Atalanta ekipi i tij meritonte fitoren në “Olimpico”, po të mos ishte penguar nga portieri shqiptar Thomas Strakosha.
“Bëmë një ndeshje shumë të mirë dhe jam i kënaqur me paraqitjen e ekipit, por jo me rezultatin. Strakosha u tregua madhështor me pritjet e tij. Ishte ai që na pengoi të fitonim dhe të siguronim 99% pjesëmarrjen në Europa League sezonin e ardhshëm. Megjithatë, gjithçka do të vendoset ndaj Milan, ku uroj që Donnarumma mos të imitojë Strakoshën.”
