Shkëndija e Tetovës vijon të mos e ulë ritmin, ndonëse ka mbyllur llogaritë me titullin kampion, të cilin e ka fituar disa javë para fundit të kampionatit.
Në ndeshjen e kësaj të diele ndaj F.C Skopjes, kuqezinjtë triumfuan me rezultatin 3-1, falë golave të Radeskit, Izair Eminit dhe Alimit.
Me titullin në xhep, Shkëndija mund të synojë një rekord, ta mbyllë sezonin me 90 pikë, gjë që është tërësisht e mundur, pasi kanë mbetur edhe dy takime për t’u luajtur.
Gjithashtu, mbajtja e një ritmi të lartë do t’i shërbejë trajnerit Qatip Osmani që të ketë një skuadër në formë të mirë për finalen e Kupës, që do të luhet më 27 Maj.
