Shqipëria ka fituar 3-1 ndaj Hungarisë në ndeshjen e dytë të European League në volejboll për meshkuj, duke korrur suksesin e parë në këtë edicion. Një fitore e merituar e volejbollistëve kuqezinj, që të drejtuar nga trajneri Jani Melka bënë një paraqitje fantastike në Budapest, ku dhe luajtën ndaj kombëtares vendase. Edhe pse Shqipëria humbi setin e parë rriti të rikuperojë në setet në vijim, duke mos u dorëzuar dhe treguar grintë e dëshirë për fitore.
Një fitore e rëndësishme jashtë fushe, që mban kuqezinjtë në lojë për një vend në fazën finale, duke treguar një nivel në rritje, një lojë të mirë kolektive, e saktë në sulm, bllok e shërbime, por edhe duke pritur mrië topin e parë. Puna e mirë e kryer duket se po jep frutet e saj dhe ky sukses tregon se humbja 3 ditë më parë në Bjellorusi mund të ishte evituar me pak kujdes dhe fat. Të shtunën, ndeshja e tretë në Kroaci.
Ndeshja është e ekuilibruar gjatë gjithë kohës, të dyja ekipet duelojnë fort për fitore dhe barazimet janë të shpeshta në të katërta setet. Në të parin, pikët e fundit bëhen sërish një “mallkim” për kuqezinjtë, që pas barazimit 21-21 humbasin terren dhe Hungaria fiton 25-22. Por ky gabim nuk përsëritet më në setin e dytë, pasi kuqezinjtë kanë një epërsi të lehtë gjatë gjithë kohës, duke mos toleruar dhe fitojnë 25-21.
Fitimi i setit të parë në këtë turne, karikon edhe më shumë volejbollistët shqiptarë, që edhe në setin e tretë kanë një epërsi të lehtë, duke qenë vazhdimisht në avantazh, Përpjekjet e hungarezëve nuk kanë rezultat dhe Shqipëria fiton sërish 25-21. Mjaft i bukur edhe seti i katërt, që dominohet nga kuqezinjtë, por fund ii lojës bëhet dramatik. Pas shumë barazimesh, deri në 23-23, Shqipëria shkëputet dhe fiton 25-23, duke arriturnjë fitore të madhe jashtë fushe.
Hungari – Shqipëri 1-3 (25-22, 21-25, 21-25, 23-25)
HUNGARIA: Szabo, Nagy, Papai, Magyar, Banai, Keen, Kaszap, David, Padar, Blazsovics, Deak, Kalmar, Gebhardt, Krupanszki. Trajner: Bogdan Tanase
SHQIPWRIA: Kola, Gjoklaj, Koçi, Arapi, Husaj, Malaj, Qepa, Kula, A.Qafarena, Çullhaj, Baruti, Gaxiri, Bwrdufi, Deliu. Trajner: Jani Melka
Gjyqtarë: Predrag Balandzic (Serbi), Gyula Tillmann (Hungari)
