• Home
  • Futboll
  • Shqipëria U-21/ Alban Bushi fton sulmuesin e Skëndijës së Tetovës
Futboll Sport

Shqipëria U-21/ Alban Bushi fton sulmuesin e Skëndijës së Tetovës

Shpresave të Shqipërisë do t’u bashkohet këto ditë edhe një lojtar tjetër. Bëhet fjalë për qendërsulmuesin e skuadrës shqiptare të Shkëndijës së Tetovës, Shefit Shefiti, i cili raportohet të ketë marrë një ftesë për dy ndeshjet e radhës miqësore, që kombëtarja U-21 do të luajë ndaj Bjellorusisë më 5 dhe 8 qershor.

Lajmin e ka publikuar vetë klubi kampion i Maqedonisë, në faqen zyrtare, ku shprehet: Shefit Shefiti grumbullohet nga Shqipëria U-21 për dy ndeshjet e radhës kontrolluese. Në adresë të Shkëndijës ka arritur ftesë zyrtare, në të cilën thuhet se seleksionuesi i Shpresave kuqezi, Alban Bushi, llogarit shërbimet e sulmuesit të ri të Shkëndijës për miqësoret e qershorit.

Shqipëria U-21 përballet me Bjellorusinë më 5 dhe 8 qershor, ndërsa të dyja takimet miqësore do të luhen në “Elbasan Arena”. Kjo ftesë, përveçse për futbollistin, është mirënjohje edhe për Shkëndijën, që krahas ekipit të pare, vëmendje të madhe i kushton edhe akademisë me kategoritë e reja”, – thuhet në njoftimin e klubit.

Sulmuesi i talentuar ka luajtur në 19 takime këtë sezon me skuadrën e Shkëndijës në kampionatin maqedonas të futbollit. Ai ka shënuar 4 gola gjithsej, ndërkohë që ka dhënë dhe 2 asiste për gol. Ai ka dalë nga ekipet zinxhir të Shkëndijë së Tetovës dhe premton shumë me potencialin që ka.

Tashmë që Kosova ka përfaqësuesen e vet, Shqipëria po shton vëmendjen gjithnjë e më shumë te futbollistët shqiptarë të lindur në Maqedoni dhe që aktivizohen për skuadrat shqiptare në shtetin fqinj, apo dhe klube të huaja.

Related posts

Cambiasso për Rafinhan: Interi mori një rezervist të Barçës

Q.Autor

Igli Tare kërkon të transferojë ish-yllin e Bajernit

Q.Autor

Mkhitaryan drejt largimit nga United, Inter në ‘pole position’

Q.Autor

Leave a Comment