Skënderbeu mbylli një sezon të jashtëzakonshëm në futbollin tonë ku përveç titullit të 7-të në 8 vitet e fundit, korçarët fituan për herë të parë në histori edhe kupën e Shqipërisë. Por ajo që shqetëson në kampion bardhekuq është vendimi që do marrë CAS në lidhje me çështjen e trukimeve. Deri në momentin e shpalljes së vendimit gjithçka do jetë pezull.
Vendimi përfundimtar i CAS do jepet në datën 5 qershor dhe nëse do jetë një përgjigje në favor të Skënderbeut atëherë klubi do nisë përgatitjet me 10 qershor për Champions League. Çdo gjë për fillimin e sezonit të ri për ekipin e Skënderbeut do varet nga ky vendim i CAS.
