Pavarësisht epërsisë numerike, Real Madrid nuk mundi të fitojë ndeshjen e fundit kundër Barcelona-s, e cila u mbyll me rezultatin 2-2. Megjithatë, ai as nuk ka humbur dhe tashmë është ndeshja e katërt radhazi që “Los Blancos” dalin nga Camp Nou pa u mposhtur.
Zinedine Zidane nuk e di se çfarë është humbja në stadiumin e Barcelona-s dhe në katër ndeshje del i pamposhtur. Ky është rekord në historinë e madrilenëve, për shkak se që nga koha kur ulej në stol Miguel Muñoz nuk është arritur diçka e ngjashme. Trajneri tregon se planet e tij dalin në ndeshjet kyçe.
Që nga koha kur trajneri francez mori frenat e Real Madridit, ai ka barazuar dy herë dhe ka fituar dy ndeshje në “Camp Nou”. Herën e parë, në prill të vitit 2016, ka debutuar me fitoren 1-2, në një ndeshje në të cilën dëbuan nga fusha Sergio Ramos-in, ndërsa Karim Benzema barazoi rezultatin dhe në fund Cristiano Ronaldo ktheu shifrat në 1-2 pas golit të shënuar nga Gerard Pique për blaugranat.
Në ndeshjen e parë të sezonit të ardhshëm nuk shkoi më tepër se një barazim. Barça kaloi në avantazh me një gol të Suarez-it, por përsëri për madrilenët shënoi kapiteni në minutën e nëntëdhjetë për të barazuar shifrat në 1-1.
Këtë sezon, në Superkupën e Spanjës, ata zhvilluan një nga ndeshjet më të mira të sezonit, fituan 1-3. Pique shënoi autogol, ndërsa Cristiano Ronaldo dhe Asensio i kthyen reston, ndërsa nga ana e katalanasve shënoi vetëm Messi me penallti.
Me rezultatin e arritur mbrëmë, Zidane barazoi rekordin me Miguel Muñoz, i cili arriti katër ndeshje rresht duke fituar në “Camp Nou”. Ai i mori këto rezultate gjatë sezoneve 1962-1965. Këto ishin rezultatet:
04/22/1962 (Kupa Gjenerale): Reali fitonte 1-3 pavarësisht kartonit të kuq të Felo-s. Golat në atë ndeshje u shënuan nga Sol, Puskas dhe Gento, ndërsa për Barça-n realizonte Paredea.
27/01/1963 (La Liga): Nga këto katër ndeshje, njëra është fituar me shifrat 1-5. Mbreti Cayetano shënonte golin për blaugranat. Shënonin Di Stefano dhe Gento, por heroi i takimit ishte Puskas me tripletën e tij.
30/03/1964 (La Liga): Djemtë e Migel Muñoz në këtë ndeshje e nisën menjëherë me gol, realizonte Gento, ndërsa Zaluda barazonte shifrat. Por, edhe njëherë Puskas u bë protagonist duke thyer rezultatin dhe i dërgonte shifrat në 1-2.
28/02/1965 (La Liga): E fundit e rekordit të Migel Muñoz, ishte një tjetër “remontada”, 1-2! Mbreti Cayetano hapi rezultatin, por Pirri dhe Serena u treguan superiore duke i vënë shkelmin.
