Me rastin e prezantimit të grumbullimit që do të bëhet nga Napoli në Dimaro, nga 10 deri më 30 korrik, Aurelio De Laurentiis ka folur edhe për të ardhmen e Sarri. “E kemi lënë një takim për javën e ardhshme, – tha pronari i Napoli. – Uroj që të jemi me të në grumbullimin e ardhshëm të ekipit për t’u përgatitur për sezonin e ardhshëm, por nuk mund ta detyroj me forcë.”
Por nuk mungon edhe një “thumb” ndaj trajnerit: “Kemi dalë në vend të dytë edhe me Mazzarri. Nuk është se kemi bërë ndonjë arritje të jashtëzakonshme, megjithatë unë e kam vlerësuar punën e Sarri prandaj jam gati ta vazhdojë bashkëpunimin.”
Më pas, De Laurentiis shtoi: “Na janë hequr tetë pikë me pa të drejtë, na janë vjedhur nga vendime të gjyqtarit. Titulli do të kishte qenë i yni. VAR nuk është përdorur mirë me ne, por ndoshta është edhe faji ynë.”
