Në fushë, Tomas Repka nuk luante gjithmonë sipas rregullave. Larg nga fusha, duket se gjërat nuk kanë ndryshuar për ishmbrojtësin e Fiorentinës dhe Uest Hemit. I akuzuar për “hakmarrje” pornografike ndaj një modeleje të “Play boy”-t, polaku është thirrur në gjykatë disa herë.
Për rastin në fjalë ai u kap në flagrancë nga bashkëshortja, por duket se kjo nuk ka qenë shkelja e tij e vetme në jetë. Në fakt, janë të shumta raste kur Repka e tejkaluar masën duke shkelur disa herë kurorën.
Për ata që e kanë parë të luajë futboll me stilin e tij të egër, një lajm i tillë nuk mund të përbëjë një surprizë. Në kuadër të promovimit të autobiografisë së tij, mediat kanë publikuar disa ekstrakte, një nga të cilët flet për tradhtitë e shumta të mbrojtësit. Në mesin e faqeve të mbushura me bëmat e polakut flitet edhe për ndeshje “të falur” nga Repka tashmë 44- vjeçar.
“Në vitin 2012, kur luaja me Çeske Budejovice, shkaktova me dashje 11-metërsh në një ndeshje kundër Liberekut. Doja që ata të fitonin ndeshjen dhe titullin. Gjithçka për të dëmtuar Sparta Pragën. Në fakt, problemi im ishte presidenti i saj, Daniel Kretinski, që një sezon më parë më kishte përzënë nga klubi.
Në fushë m’u errësuan sytë dhe me ndërhyrjen time ndëshkova një skuadër të tërë. Kur më larguan nga Sparta, i premtova vetes që do të hakmerresha dhe ashtu bëra. Nuk e di nëse veprova drejt, por doja ta mërzisja presidentin. Shpresoj t’ia kem dalë mbanë”.
