Spekulimet e shumta për të ardhmen e Neymarit janë kryetemë e mediave sportive evropiane. Marca po insiston vazhdimisht se lojtari tashmë mund të konsiderohet madrilen. Megjithatë, në konferencën e fundit për shtyp jo aq i sigurt u shfaq Unai Emery, i cili gazetarëve ju përgjigj me shumë frustrim.
I pyetur që të komentojë situatën e brazilianit, Unai Emeri rrotulloi sytë dhe ngriti vetullat në shenjë kurioziteti. Më pas lëvizi mikrofonin para se të përgjigjej në këtë pyetje.
“Më vjen keq se është dashur të vini nga qendra e Paristi për të bërë një pyetje të tillë, duke paramenduar se çka do të themi, nëse dikush do të thoshte diçka për këtë”.“Unë nuk jam ai që mund të thotë diçka për këtë temë”, deklaroi Emery.
