Liverpool do t’i japë fund pritjes prej gati tre dekadash për të festuar titullin kampion, por ky mision mund të dështojë në mënyrë dramatike. Skuadra e Jurgen Klopp dominoi sezonin e Premier League përpara ndërprerjes për shkak të Coronavirus. Por përhapja e virusit Covid-19 rrezikon të kthejë në “nul” suksesin e “Reds” në fushën e lojës.
Mediat angleze bëjnë të ditur se sezoni mund të mbyllet përfundimisht, duke mos shpallur një kampion. Në fakt janë një pjesë e klubeve të Premier League që kanë bërë një kërkesë të tilllë. Më e keqja për Klopp, të besuarit e tij dhe tifozët është që drejtuesit e futbollit anglez po e marrin në konsideratë një mundësi të tillë.
(balkanweb)
