Victor Lindelof i ka dhënë beqarisë. Mbrojtësi i Manchester United ka kurorëzuar dashurinë me martesë ditën e djeshme me partneren e tij, Maja Nilsson.23-vjeçari u transferua në “Old Trafford” nga Benfica verën e kaluar. Partnerja e tij 24-vjeçare vendosi që t’a shoqërojë atë pasi u transferua për të luajtur në Manchester.
Martesa ishte në planet e tyre që verën e kaluar kur ato ishin në Maldive. Çifti suedez vendosi të shkëmbejë unazat në një mjedis të bukur në vendlindjen e tyre, përpara se lojtari t’i bashkohet ekipit kombëtar për t’u përgatitur për Kupën e Botës.
Lindelof debutoi me “Djajtë e kuq” në humbjen 2-1 në SuperKupën e UEFA-s ndaj Real Madrid gushtin e kaluar në Shkup. Më pas në Premier League u aktivizua më 14 tetor në barazimin 0-0 ndaj Liverpool në “Anfield”. Gjithsej, 23-vjeçari ka zhvilluar 29 ndeshje në të gjitha garat, për sezonin e tij të parë në Angli nën drejtimin e Jose Mourinhos.