Ish-mbrojtësi i Italisë dhe Milanit, Alessandro Nesta, ka konfirmuar se do të marrë drejtimin e ekipit të Serie B, Perugia. Për mediat italiane, Nesta është shprehur i lumtur për këtë marrëveshje.
“Nuk më kujtohet hera e fundit që isha në këtë stadium. Unë vij këtu me entuziazëm të madh. Ky është një klub i vërtetë futbolli. Ekipi është i fortë dhe do të jetë me mua dhe me çdo trajner tjetër”.-tha Nesta.
Në stolin e Perugia, 42 vjeçari do të zëvendësoi të shkarkuarin Roberto Breda pavarësisht se i siguroi fazën e “play-offit” që të dërgon në Seria A vitin e ardhshëm. Kjo do të jetë eksperienca e dytë e Nestës në një ekip, pas asaj në skuadrën e dytë të ekipit amerikan Miami FC.
