Piero Ausilio ka ndalur të flasë me gazetarët pasi ndodhet në zyrat qendrore të klubit të Inter, për të finalizuar detajet e kontratës së Radja Nainggolan.
Belgu do të jetë blerja e fundit dhe do t’i kushtojë zikaltërve 25 mln euro.Ausilio është pyetur për disa çështje, ndër to edhe Icardi.
Mbi Perisic dhe Brozovic: “Perisic dhe Brozovic mbeten tek Inter për të luajtur në Champions League. Mbi Nainggolan: “Jemi të lumtur. Nainggolan është një lojtar i fortë dhe këtë e ka treguar.
Mbi Icardi-n: “Ai ka një kontratë të gjatë, kështu që nuk e kemi prioritet rinovimin e tij, por gjithmonë e kemi thënë se kontrata e tij ka nevojë për disa ndryshime, por ato do t’i vendosim me qetësi.”
