Bordeaux i mbyll derën Interit sa i takon kartonit të brazilianit Malcolm. Drejtuesit e klubit francez u kanë thënë “jo” zikaltërve, por refuzimi i tyre nuk ka të bëjë me shumën e ofruar nga italianët, që e kalon shifrën e 40 milionë eurove.
Gjithçka lidhet me modalitetet e transferimit të lojtarit nën urdhrat e Spallettit. Pavarësisht refuzimit të Bordeaux, lojtari ka këmbëngulur në orët e fundit se dëshiron të largohet me çdo kusht, ndaj në ditët e ardhshme pritet një tjetër sulm i zikaltërve për të mbërritur te braziliani.
